A área sanitaria de Pontevedra e O Salnés incorpora 120 novos profesionais
Por Redacción
A Área Sanitaria de Pontevedra e O Salnés acolleu este martes no hospital Provincial do Complexo Hospitalario Universitario de Pontevedra a toma de posesión dun total de 120 profesionais sanitarios coma persoal fixo do Servizo Galego de Saúde nesta área de saúde, toda vez que se superaron os procesos selectivos tanto en hospitais públicos e entidades coma o 061.
Deste total de 120 profesionais, 85 toman posesión coma persoal fixo do Sergas na Área Sanitaria coma facultativos especialistas (70 no distrito sanitario de Pontevedra e 15 no distrito sanitario de O Salnés), 23 profesionais coma persoal técnico (20 no distrito sanitario de Pontevedra e 3, do Salnés) e 12 toman posesión coma persoal facultativo de Urxencias (8 en Pontevedra e 4 no Salnés).
A Xunta de Galicia continúa así co seu traballo administrativo e organizativo no proceso de estabilización dos cadros de persoal e mellora dos servizos sanitarios públicos, con medidas para fomentar a conciliación e a estabilidade dos empregados públicos así como co desenvolvemento da súa carreira profesional.
A incorporación destes profesionais coma persoal fixo do Servizo Galego de Saúde tras a superación destes procesos selectivos tamén contribuirá a paliar o déficit de médicos que sofre o conxunto do Sistema Nacional de Saúde.
Pola contra, o BNG e o Partido Socialista de Cerdedo-Cotobade, denunciaron que o centro de saúde de Carballedo volve quedar sen médico, que non volverá ata o martes da próxima semana.
Relacionadas:
-
Cambio na xerencia da área sanitaria e inmunodepresión social ante a falta de médicos
Por Anxo Lourido & Cristina Saiz & Mónica Patxot |
-
O servizo de Dermatoloxía da Casa do Mar de Mollavao incorpora un bisturí de altas prestacións
Por Redacción |
-
Campo Lameiro comeza a súa loita na rúa para esixir un médico estable
Por Redacción |
-
José Flores, xerente da área sanitaria: "Os contratos que temos hoxe aquí son os mellores que se poden ofrecer"
Por Anxo Lourido |
-
Sanidade comprométese cos médicos para "estudar" unha reestruturación de centros de saúde
Por Redacción |
-
Masiva protesta en Moraña pola falta de médicos no centro de saúde
Por Redacción |