Volve a Ponte Caldelas a Feira de Artesanía e Produtos Ecolóxicos
Por Redacción
A Praza de España de Ponte Caldelas acollerá o sábado 3 e o domingo 4 de decembro a sexta edición da Feira de Artesanía e Produtos Ecolóxicos.
A carpa que se instalará para o evento albergará a máis de 30 expositores cunha escolma dos mellores produtos feitos a man de toda Galicia.
Os postos abrirán de 11.00 a 20.00 horas e durante toda a xornada haberá música tradicional, obradoiros infantís, demostración e oficios, unha exhibición de bolos celtas, espectáculo de maxia, sorteos e outras sorpresas.
A organización do evento corre a cargo da Asociación Das Miñas Mans e conta coa colaboración do Concello de Ponte Caldelas.
A actividade foi presentada esta no Concello pola organizadora, Arantxa Esperón e o alcalde, Andrés Díaz que aplaudiu esta iniciativa feita dende Ponte Caldelas e que é quen de atraer, ano tras ano, a prestixiosos artesáns.
Este ano, o sábado 3 haberá unha exhibición de bolos celtas e o domingo 4 haberá espectáculo de maxia a cargo do Mago Marco. Nos postos poderán atoparse creación artesáns tales como roupa de lá, tallado de vidro e madeira, cerámica, todo tipo de complementos de bisutería, bolsos, esculturas feitas con area, marionetas, xoguetes de madeira, xabóns naturais, coiro, debuxos de arte rupestre, exposición de minerais e moitas máis cousas.
Relacionadas:
-
Con decembro, tamén volven a Ponte Caldelas as tapas quentes e a artesanía
Por Redacción |
-
Combarro vivirá este domingo o "día grande" da súa conmemoración como Conxunto histórico
Por Redacción |
-
Impulsan unha iniciativa para restaurar a zona afectada polo lume no monte veciñal de Laxoso
Por Oskar Viéitez |