Obradoiro teatral de Chévere no Gorgullón para promover un futuro ambiental distinto ás ficcións distópicas de Netflix
Por Anxo Lourido
Alberto Oubiña, concelleiro de Xuventude, con Xesús Ron, da compañía teatral Chévere e Miguel Pardellas, de Feitoría Verde, convidaban este xoves a todas aquelas persoas que o desexen a participar no taller que se desenvolve no local social do Gorgullón para conversar sobre a emerxencia climática e ofrecer unha perspectiva interxeracional sobre o futuro que se presenta.
Chévere, Feitoría Verde e un SEPA, un grupo de investigación da Universidade de Santiago, co apoio do Concello e coa colaboración da asociación veciñal de Eduardo Pondal, a quen se debe solicitar a participación, poñen en marcha este proxecto coa intención de reclamar tanto aos Gobernos como a nivel individual un cambio de metntalidad e das formas de vivir actuais.
Ao mesmo tempo, nestas sesións que se realizan os xoves (agás festivos) a partir das 19.30 horas no local social do barrio do Gorgullón, ao redor de vinte persoas, tanto nova, con participación do grupo de teatro de Normalización Lingüística, como de idades adultas, que viviron experiencias nas que o consumo de produtos era máis reducido.
Xesús Ron explicaba que se trata de imaxinar propostas diferentes aos futuros impostos pola gran maquinaria da industria do espectáculo e do entretemento na que se ofrece un futuro distópico cun colapso que finaliza coa civilización, agás uns escollidos.
Esta acción denomínase 'Do desequilibro aos soños compartidos' e foi un dos 14 proyeccos seleccionados pola Fundación Carasso no Estado. Está previsto que en primavera se realice un acto nun espazo público expoñendo as conclusións destas propostas ambientais e de narrativa escénica