Sae a exposición pública o proxecto de ampliación da EDAR de Paxariñas
Por Redacción
O Ministerio de Transición Ecolóxica e o Reto Demográfico deu luz verde á incoación do expediente de información pública do “Proxecto de construción de ampliación da EDAR de Paxariñas e actuacións en colectores”. Unha vez publíquese o documento no BOE e no BOP, as persoas interesadas poderán consultalo durante un prazo de 20 días.
O acordo a tres bandas entre Sanxenxo, Poio e Acuaes permitirá un investimento de 17 millóns nesta primeira fase para a mellora e modernización da rede de saneamento e depuración.
As obras teñen un prazo de execución de 18 meses e está previsto que se liciten en 2023. A actuación será cofinanciada nun 50% polo Fondo Europeo de Desenvolvemento Rexional Feder 2014-2020. O outro 50% adiántao Acuaes, 8,5 millóns, que serán devoltos por Sanxenxo (5,5 millóns) e Poio (3 millóns) nun prazo de 25 anos.
En Sanxenxo, a ampliación prevista na EDAR de Paxariñas permitirá duplicar a capacidade de tratamento e pasar de dous a catro fases cun pretratamiento, unha decantación secundaria, un tratamento biolóxico, e unha desinfección por ultravioleta. A decantación realizarase con 4 novos depósitos de 28,3 metros de diámetro que se situarán nunha parcela lindeira de 8.000 metros cadrados.
O proxecto inclúe ademais un novo bombeo en Areas e melloras nos de Dorrón, Nanín, Porto de Sanxenxo, O Espiñeiro e Montalvo. Outra actuación de gran calado incluída no proxecto é a execución do novo emisario submarino de 1.300 metros de lonxitude e 630 milímetros de diámetro.
Relacionadas:
-
Renovación dunha tubaxe de residuais en Bordóns para garantir a calidade da auga na praia de Nanín
Por Redacción |
-
Poio aproba a addenda para poñer máis cartos no convenio da depuradora de Paxariñas
Por Oskar Viéitez |
-
O custo da ampliación da EDAR de Paxariñas crecerá ata os 26 millóns
Por Redacción |
-
Primeira reunión da comisión de seguimento das obras de depuración e saneamento en Sanxenxo e Poio
Por Redacción |
-
Os profesionais do mar están chamados a votar este sábado nas eleccións ás confrarías
Por Oskar Viéitez |
-
Poio e Sanxenxo felicítanse polo investimento de 19,3 millóns no saneamento dos seus municipios
Por Oskar Viéitez |
-
Acuaes autoriza a firma do convenio valorado en 19,3 millóns para solucionar o saneamento de Poio e Sanxenxo
Por Redacción |
-
Os plenos de Sanxenxo e Poio aproban por ampla maioría o convenio do saneamento
Por Redacción |
-
A nova rede para mellorar o saneamento de Poio e Sanxenxo custará 16 millóns
Por Redacción |