Condenan o Concello a indemnizar a unha veciña de San Amaro polos ruídos dun depósito de auga
Por Oskar Viéitez
O Xulgado do Contencioso Administrativo número 1 de Pontevedra condenou ao Concello de Pontevedra a indemnizar a unha veciña da Rúa de San Amaro polas molestias psicolóxicas e os danos sobre a súa vivenda, causados polo depósito de augas municipal.
A sentenza estima parcialmente a reclamación interposto por esta veciña de Pontevedra que reclamaba un total de 85.712 euros por estes prexuízos, e que finalmente recibirá 35.000 euros de indemnización. Son 15.000 euros pola angustia xerada e en 20.000 para a reparación dos danos na vivenda.
A veciña queixábase polos ruídos e polas vibracións procedentes do bombeo de auga do depósito de San Amaro xa que esta instalación municipal afecta á estrutura da súa vivenda e que ademais lle causaba un prexuízo anímico polos ruídos que lle impiden descansar.
A valoración da proba achegada dá a razón á demandante constatando as molestias acreditadas.
A portavoz do Goberno Local, Anabel Gulías sinalou que "agardamos e cremos que coa construción do novo depósito de Castro Senín póidanse paliar en gran parte estas molestias causadas".