Nova zona de estancia no acceso ao Local Social do Rañadoiro
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/ea5/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/634bd01b4c-00-zona-de-estancia-ran-adoiro-7.jpg)
© Concello de Pontevedra
![](/web/cache/scene/uploads/fotos/foto/595/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/634bd05d28-03-zona-de-estancia-ran-adoiro-5.jpg)
© Concello de Pontevedra
A contorna do Local Social do Rañadoiro, na parroquia de Ponte Sampaio, presenta unha nova imaxe coa creación dunha zona de encontro veciñal. Estas obras, segundo informa o Concello de Pontevedra, supuxeron un investimento próximo aos 27.000 euros coa intención de ampliar a política municipal de ofrecer espazos de calidade nos núcleos rurais.
As obras consistiron na creación dun novo acceso de pedra limitado por zonas verdes con árbores, bancos e plantas en flor.
Tamén se instalou un valo de madeira, en lugar da anterior que era metálica. Ademais mellorouse a fonte situada na zona e limpouse de maleza todo o espazo.
O centro cultural do Rañadoiro inaugurouse en 2010 e inicialmente contaba con xogos infantís na entrada que, nos últimos tempos, atopábanse deteriorados e quedaran obsoletos.
Durante a elaboración do proxecto de reforma decidíase non repor estes elementos de xogo porque o espazo incumpre a normativa actual para a creación de parques de lecer infantil, segundo informa o goberno local.