Glovo suma á súa app a repartición de produtos frescos do Mercado de Abastos de Pontevedra
Por Diego Espiño
A empresa multinacional de repartición a domicilio Glovo desembarca no Mercado de Abastos de Pontevedra.
A través dun acordo con firma especializada en produtos frecos Kibus, Glovo engadiu ao seu app a repartición de produtos frescos de 17 mercados de toda España, entre os que se atopaa praza de abastos pontevedresa.
Este acordo de colaboración, sinalan, permitirá impulsar a dixitalización do comercio de proximidade, podendo adquirirse produtos como peixe, carne, froitas ou verduras, entre outros.
Ademais do Mercado de Abastos de Pontevedra estarán dispoñibles outros mercados de Galicia como os de Elviña e Praza de Lugo da Coruña, o Mercado de Abastos de Santiago de Compostela, o de Lugo, O Calvario de Vigo, a Praza de Abastos de Ourense e o da Madalena en Ferrol.
Esta opción que agora ofrece Glovo colle a testemuña dao proxecto Ponte Abastos, que ofrecía esa posibilidade desde a súa posta en marcha no ano 2020.