Alfonso Rueda defende a vixencia da Constitución "que trouxo paz e prosperidade para Galicia"
Por Oskar Viéitez
O vicepresidente da Xunta e conselleiro de Presidencia, Administracións Públicas e Xustiza, Alfonso Rueda, defendeu este venres a vixencia da Constitución Española e advertiu sobre o erro que supón poñela en dúbida.
Antes de participar en Pontevedra nos actos conmemorativos do XXXV aniversario da Carta Magna celebrados na Subdelegación do Goberno, Rueda asegurou que a Constitución "nos sigue valendo a todos e nese marco temos que desenvolvernos", e lembrou que a norma fundamental do Estado xa tivo "as reformas que se consideraron convenientes para mantela viva e que sexa un marco xurídico no que todos temos que estar cómodos e acatalo".
"A Constitución está vixente, trouxo paz e prosperidade para todo o país durante moitos anos e por suposto para Galicia, e creo que se perdemos esa referencia perderemos moitas cousas importantes", resaltou o vicepresidente da Xunta. Nese sentido advertiu que os que a poñen en dúbida se están equivocando e entenden bastante mal cousas que deberían estar fóra de discusión.
Xa na celebración do aniversario o subdelegado do Goberno en Pontevedra, Antonio Coello, estivo acompañado por autoridades civiles, militares e representantes do poder judicial. Entre outros asistentes atopabanse o vicepresidente da Xunta, Alfonso Rueda; as deputadas Irene Garrido e Paz Lago; a senadora Elvira Larriba; o presidente da Audiencia provincial, Francisco Javier Menéndez; o fiscal xefe da Audiencia, Juan Carlos Aladro e o conselleiro do Consello Consultivo, José Luis Costa Pillado.
No seu discurso Coello dixo que "si como parecen inspirar los indicadores financieros y económicos que desde Europa nos analizan y que ratifican las previsiones del Gobierno, la situación actual comienza a remitir, la Constitución se habrá erigido en uno de los pilares fundamentales para garantizar la fortaleza del Estado en momentos muy difíciles y delicados".
No acto entregáronse condecoracións, a proposta da Subdelegación do Goberno, ao Mérito da Protección Civil a axentes da Garda Civil e Policía Nacional pola súa su participación en feitos heroicos.