Convenio de colaboración entre AJE Pontevedra e o Colexio Oficial de Graduados Sociais
Por Redacción
A Asociación de Jóvenes Empresarios (AJE) de Pontevedra asinaba este luns un convenio de colaboración co Colexio Oficial de Graduados Sociais de Pontevedra.
A firma realizábase na sede colexial coa presenza de Jesús Rey, presidente de AJE Pontevedra, e de Raúl Eugenio Gómez, presidente do Colexio Oficial de Graduados Sociais de Pontevedra, encargados de relizar a rúbrica ao documento que establece un marco de accións conxuntas durante os próximos meses.
Segundo indican desde AJE Pontevedra, con esta iniciativa búscase o intercambio de información de interese recíproco para ambas as organizacións. Ademais, está prevista a posta en marcha de cursos, xornadas formativas, actos e proxectos que permitan o desenvolvemento profesional dos integrantes das dúas entidades.