49 alumnos dos Corpos Comúns das Forzas Armadas incorpóranse á Escola Naval
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Durante a fin de semana incorporáronse á Escola Naval Militar de Marín os 49 aspirantes a oficial dos Corpos Comúns das Forzas Armadas que este ano obtiveron a súa praza polo sistema de oposición.
Estes aspirantes ingresaran o 1 de setembro na Academia Xeral Militar de Zaragoza, posteriormente formáronse na Academia Xeral do Aire de San Javier en Murcia e completarán a súa Formación Xeral Militar en Marín antes de que finalice o ano.
Na Escola de Marín integraranse ao réxime normal dos alumnos e, polo tanto, recibirán as clases específicas da Armada como Organización, Táctica e Loxística Naval, Reais Ordenanzas para as Forzas Armadas, Cultura e Historia Naval e Instrución Mariñeira, entre outras materias.
Dos novos alumnos incorporados, 42 pertencen ao Corpo Militar de Sanidade, tres ao Corpo Xurídico Militar, outros tres ao Corpo Militar de Intervención e un ao Corpo de Músicas militares.