O alumnado do Príncipe Felipe elabora un mural contra as violencias machistas
Por Oskar Viéitez & Mónica Patxot
"Ya tratamos el racismo y el cambio climático, por lo que iba siendo hora de que tuviéramos un mural dedicado a la erradicación de la violencia de género", afirmou Paleo, un dos alumnos do centro Príncipe Felipe que participou na elaboración dun mural na fachada principal do edificio da Escola/Fogar.
O seu compañeiro Aday engadiu que para el foi "un orgullo" intervir, xa que "el mural inculca lo que quiere la sociedad: que las mujeres estén empoderadas y que sigamos adelante en la lucha por sus derechos".
Rematou Sandra, que tamén colaborou nesta obra artística, que representa "una mujer luchadora por los derechos de las mujeres" e que expresa o seu rexeitamento ás violencias machistas que sofren as mulleres polo feito de ser mulleres.
Estes tres rapaces colaboraron xunto á artista Rakele Cavallo nesta obra titulada "Berro" e que este xoves amosaron á presidenta da Deputación de Pontevedra, Carmela Silva que asegurou que é "un dos murais máis fermosos de toda a provincia".
Esta acción forma parte do programa "Mulleres en Acción. Violencia Zero" e consistiu nun obradoiro creativo no que o alumnado compartiu esta experiencia única para transformar o muro do centro nun verdadeiro patrimonio cultural.
No acto de inauguración a presidenta estivo acompañada pola deputada delegada de Príncipe Felipe, Noemí Outeda, así como o seu director, Manuel Cendón, profesorado e alumnado do centro.
Carmela Silva valorou moi positivamente "a participación destas rapazas e rapaces do centro no mural", e asegurou que "temos que querer, respectar e admirar moito" esta rapazada "porque están a traballar para construír as súas vidas nas mellores condicións, e iso fai que nos sintamos cheas e cheos de orgullo delas e deles".