Tres novas mortes por covid-19 na área sanitaria: dous homes de 78 e 73 anos e unha muller de 79
Por Oskar Viéitez
O Servizo Galego de Saúde notificou este xoves tres novas mortes por covid na área sanitaria de Pontevedra e O Salnés.
Trátase de dous homes de 78 e 73 anos respectivamente e unha muller de 79 anos, que presentaban patoloxías previas.
Ao longo deste mes de xullo rexistráronse 15 falecementos con covid, e no que vai de ano son 87 as vítimas mortais, 316 desde o inicio da pandemia.
Este xoves 14 de xullo a área sanitaria mantén 123 pacientes con coronavirus ingresados en planta de hospitalización: 100 no Hospital Montecelo, 4 no Hospital QuirónSalud Miguel Domínguez e 19 no Hospital do Salnés. Así mesmo, mantén 2 pacientes críticos con covid atendidos na Unidade de Coidados Intensivos (UCI) do Hospital Montecelo.
Actualmente permanecen 1.268 casos con covid evolucionando en domicilio co que o total de casos activos na área é de 1.393 (8 casos menos que onte).
Desde o inicio do plan de continxencia da covid-19 curáronse 73.677 pacientes (95 máis que onte).
Relacionadas:
-
50 persoas permanecen ingresadas con covid na área sanitaria neste mes de agosto
Por Redacción |
-
Catro novos falecementos con covid elevan a 21 as mortes rexistradas este xullo en Pontevedra
Por Redacción |
-
Lamentan que a Xerencia da área sanitaria siga no propósito de pechar camas
Por Oskar Viéitez |
-
A área sanitaria de Pontevedra leva 12 persoas falecidas con coronavirus este mes de xullo
Por Oskar Viéitez |
-
Un paciente de 87 anos, "desesperado" tras 92 horas sen médico e horas sen beber en plena vaga de calor
Por Natalia Puga |