A feira OFeitoaman Sanxenxo contará con creacións dun total de 40 obradoiros de artesáns
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Creacións de 40 obradoiros de artesáns galegos e de fóra da comunidade daranse cita na nova feira de artesanía de Portonovo "OFeitoaman Sanxenxo", unha nova cita coa que se busca potenciar a calidade dos produtos e ofertar algo diferente ao visitante sen que supoña unha competencia para os comercios locais.
A montaxe dos postos de venda dará comenzo o vindeiro martes para ter todo listo para a apertura da actividade o venres, 15 de xullo. A feira estará aberta de luns a venres de 18 a 1 da madrugada e os fins de semana e vísperas de festivo, tamén pola mañá, de 12 a 14 horas.
Os expositores contarán con elementos de xoiería, pratería, tornería de madeira, artigos de coiro, roupa, complementos, bisutería, calzado, cerámica, vidro... "Produtos de alta calidade e con selo artesán".
A Asociación Galega de Artesáns foi o colectivo que resultou seleccionado no concurso convocado para a organización da cita. A asociación conta cunha ampla experiencia na organización de citas deste tipo como a Mostrart da Coruña ou a OFeitoaman de Vigo. Fundouse no ano 1983 como asociación profesional, co obxectivo de promover e defender todas as actividades artesanais e mellorar as condicións de traballo dos oficios.
O cartel da feira "OFeitoaman Sanxenxo 2022 " é obra do ilustrador, Javier Fernández Carrera, "Pinturero", e inspirase na Madama de Silgar.
DEMOSTRACIÓNS E TALLERES
Ao longo do mes e medio de duración da feira, a organización ten previsto a realización de demostracións e talleres con distintos materiais como madeira, e coiro, entre outros elementos que se atoparán na feira.
A idea é achegar a forma de traballo artesanal aos visitantes que se acheguen ao Paseo de Baltar onde se ubicarán as casetas da feira.
Relacionadas:
-
'O Feito a Man' enche de artesanía a Praza de Fonte de Ramos ata o 25 de agosto
Por Redacción |
-
O comercio local de Sanxenxo sae á rúa coa súa feira de oportunidades
Por Redacción |
-
Sanxenxo, punto de encontro da artesanía e da gastronomía galega durante esta fin de semana
Por Redacción |
-
A Asociación Galega de Artesáns xestionará a Feira de Artesanía de Portonovo
Por Redacción |
-
A Feira de Artesanía de Portonovo volve a Baltar do 15 de xullo ao 31 de agosto
Por Redacción |
-
As novas casetas da feira de artesanía de Portonovo contarán cun "deseño diferenciador"
Por Redacción |