Mercedes Milá, unha turista máis en Cuntis
Por Alejandro Espiño
Descubrir a beleza dun pobo termal como Cuntis é o que fixo a xornalista Mercedes Milá ao longo da pasada fin de semana.
Aproveitando a súa presenza na Rapa das Bestas de Sabucedo, que se celebraba no municipio veciño da Estrada, Milá optou por aloxarse no Hotel Balneario de Cuntis.
Acompaña do seu inseparable can Scott, a xornalista non dubidou en pasear polo municipio e, entre as súas paradas, estivo un establecemento próximo ao balneario, A Tenda da Ponte, onde non dubidou en fotografarse cos seus responsables.
A presenza de Mercedes Milá na comarca, que causado un enorme balbordo na vila, débese á súa participación no programa Volando voy, que presenta o seu gran amigo Jesús Calleja.
Este formato viaxeiro, que emite a cadea de televisión Cuatro, ten previsto dedicar unha das entregas da súa nova tempada na Rapa ds Bestas de Sabucedo.
"Recoméndovos que veñades o ano que vén porque isto é marabilloso", recomendou a xornalista aos seus seguidores a través das súas redes sociais.
Nese mesma canle, Milá tamén mostra a súa partida do municipio de Cuntis, montándose nunha caravana na que viaxará ao longo da próxima semana en compañía dunha amiga. "É o meu plan perfecto", sentenza.