Bueu contáxiase da paixón polas dúas rodas
Por Redacción & Cristina Saiz
Despois de dous anos sen poder reunirse pola pandemia, os amantes das motos encheron de ambiente durante toda a fin de semana a localidade de Bueu na concentración organizada por Moteros do Morrazo.
A concentración comezou o pasado venres cun concerto de Broken Peach, para vivir o sábado unha intensa xornada cun roteiro diúrno e unha nocturna de fachos, unha exhibición stunt ou unha proba de decibeis e motos lentas.
Como colofón, este domingo aínda quedaban ganas de realizar unha ruta pola costa ata Marín e unha nova exhibición de stunt.
Unha fin de semana chea de diversión e bo ambiente acompañado por un tempo asollado que fixo as delicias de centos de afeccionados ao motor.