Falece unha persoa de 75 anos con covid na área sanitaria onde aumentan os ingresos en UCI a seis pacientes
Por Redacción
Un home de 75 anos, falecido o 2 de xuño e notificado este sábado pola Consellería de Sanidade, convértese na vítima 292 con covid na área sanitaria de Pontevedra e O Salnés.
Os datos ofrecidos nesta primeira fin de semana de xuño mostran un incremento en sete pacientes do número de persoas con infección activa na área, situándose en 977 pacientes. Desta cifra, 63 persoas permanecen hospitalizadas en planta, mentres que seis atópanse na Unidade de Coidados Críticos de Montecelo, tres máis que as notificadas durante o venres.
Nas últimas 24 horas detectáronse 95 novos casos nos distritos de Pontevedra e O Salnés, a través das probas diagnósticas. O número de persoas curadas desde o inicio da pandemia ascende a 69.570 pacientes.
DATOS EN GALICIA
No conxunto de Galicia, o número de casos activos atópase en 8.993 persoas este sábado 4 de xuño: 1.869 son da área da Coruña, 939 da de Lugo, 1.275 de Ourense, 977 de Pontevedra, 1.843 da área de Vigo, 1.576 de Santiago e 505 de Ferrol.
De todos os pacientes positivos na comunidade, 23 atópanse nas UCI; 398 son atendidos en unidades de hospitalización e 8.572 nos seus domicilios.
Co últimos tres falecementos notificados pola Consellería de Sanidade, o número de mortes con covid-19 en Galicia ascende a 3.517 persoas, desde o inicio dos plans de continxencia.
Desde a Xunta reiteran á cidadanía que utilice o número 061 só para emerxencias ou casos graves e aconsella a utilización do teléfono 881.540.045 para casos que presenten síntomas da enfermidade pandémica ou para resolver dúbidas relativas ao covid-19. Tamén recomendan o uso da páxina web sobre coronavirus do Sergas para consultar información sobre a enfermidade.
Relacionadas:
-
Un home de 96 anos, sexto falecido con covid-19 en xuño e vítima 297 da pandemia na área sanitaria
Por Natalia Puga |
-
Notifican un novo falecemento por covid na área sanitaria elevando a 296 o número de vítimas directas da pandemia
Por Redacción |
-
Sanidade investirá preto de 700.000 euros en equipar a futura área de esterilización do Hospital do Salnés
Por Redacción |
-
Médicos de urxencias alertan de saturación, con "pacientes máis complexos" e picos de 220 diarios en Montecelo
Por Natalia Puga & Diana Eiras |
-
A demora media en primeiras consultas na área sanitaria aumentou en cinco días respecto a 2020
Por Redacción |