A DGT estrea en Pontevedra os exames teóricos por ordenador
Por Oskar Viéitez
A DGT de Pontevedra realiza dende este xoves as probas teóricas do exame de conducir mediante un ordenador de pantalla táctil, substituíndo ao formato papel.
O subdelegado do Goberno en Pontevedra, Antonio Coello, xunto a xefa provincial de Tráfico, María Isabel Alonso de Linaje Calzada, presentaron este novo sistema uns minutos antes da súa posta en funcionamento. Na aula da Xefatura de Tráfico da rúa Joaquín Costa, número 70, realízanse estas probas.
Segundo explicou Antonio Coello, o exame teórico por ordenador "es un paso más en el desarrollo de la administración electrónica para la DGT" e destacou que "está dando resultados muy positivos donde ya se ha implantado y está siendo muy bien aceptado, tanto por alumnos como por autoescuelas".
A aplicación extrae as preguntas dunha base de datos con máis de 15.500, que irán incrementándose. A elección é de modo aleatorio, co que cada alumno terá un exame diferente.
Con este novo sistema os futuros condutores examínanse ante unha pantalla táctil que mostra trinta preguntas do exame xeral, de forma que os aspirantes poden contestalas cantas veces queiran, marcando a resposta correcta cun punteiro, durante a media hora da que dispoñen.
Os alumnos contan cun reloxo na propia pantalla, que lles permite controlar o tempo, e que non poden cometer máis de tres erros para pasar a proba.
ASPIRANTES NA PROVINCIA
Na provincia de Pontevedra operan 113 escolas de conductores. A estas súmanse as 62 seccións existentes. En canto aos exámes teóricos, o ano pasado presentáronse ás probas comúns de coñecementos un total de 12.884 aspirantes, mentras que 3.628 o fixeron tamén a proba específica de coñecementos. Superaron o teórico un 71,9% e o específico un 88,6% dos aspirantes.