Os 'maios' volven a Pontevedra con cinco agrupacións no certame
Por Redacción
Un total de cinco agrupacións participarán no tradicional Concurso de Maios de Pontevedra. Estas serán a Asociación Cultural Deportiva de Campañó, o maio do colexio de Marcón, o maio do San Xulián de Marín, o maio do Marcos da Portela e o maio da AMPA de Campolongo.
Os actos serán o próximo domingo 1 de maio a partir das 11:30 horas na Praza da Ferrería e comezarán coa 'Benvida ao Maio' a cargo da mestra Pilar Lores Torres.
Esta será só a inauguración da gran e tradicional festa, na que se fará o concurso no que competirán as agrupacións xa nomeadas. Posteriormente, mentres o xurado delivera sobre as actuacións presentadas, o grupo Maravallada amenizará a espera.
En canto aos premios, cada maio por participar recibirá 150 euros, agás que o xurado o descualifique por non cumprir os requisitos previstos nas presentes bases.
O resto de premios oscilarán entre os 350 e os 100 euros dependendo da modalidade.