O parque de Valdecorvos completa a súa rehabilitación integral
Por Redacción
Case 40.000 euros investíronse nas obras de mellora e rehabilitación integral que o departamento municipal de Desenvolvemento Sostible e Medio Natural executou ao longo dos últimos meses no parque de Valdecorvos.
As intervencións realizadas supuxeron o arranxo e reposición de todos os elementos de madeira existentes na súa rede de sendeiros, incluíndo a reparación de varios bancos ou da pasarela principal que atravesa o regacho.
Tamén se renovaron as principais escaleiras de acceso ao parque, tanto as que comunican o parque coa rúa Prado Novo como as que o conectan coa avenida de Lugo, e a pasarela que discorre sobre pilotes e conecta o parque de Valdecorvos coa zona do Costado.
Os traballos permitiron ademais renovar a totalidade das sendas e aplicar un pavimento especial nas zonas de maior pendente coa finalidade de eliminar os problemas que xeran as escorrentías.
Así, segundo detallou o edil Iván Puentes, por unha banda, colocouse formigón de cor ocre que cumpre cos requirimentos paisaxísticos do contorno, e pola outra, xabre enriquecido con cemento (tamén en cor ocre) para reforzar o pavimento e incrementar a súa durabilidade.
Na zona na que se atopa a carballeira, un espazo que xa conforma un miradoiro natural cara á cidade, incorporáronse un banco e unha mesa con banco coa finalidade de convertela nunha área de descanso e referencia dentro do parque e de consolidala como miradoiro.
Relacionadas:
-
A desesperación dunha veciña tras meses denunciando lodos, gasolina e fecais no rego de Valdecorvos
Por Mónica Patxot & María José Pita |
-
Avanza a rehabilitación integral do parque de Valdecorvos
Por Redacción |
-
Urxen o arranxo dos danos no parque de Valdecorvos
Por Redacción |
-
Amplían e melloran o parque infantil da Praza das Regas en Valdecorvos
Por Redacción |