Domínguez mantén que o goberno local castiga a Monte Porreiro "por non comungar con Lores"
Por Redacción
Rafa Domínguez, presidente en funcións do Partido Popular de Pontevedra, acusa o goberno local de manter "castigados aos veciños Monte Porreiro e segue sen contemplar investir un só euro en mellorar a vida no barrio". Por este motivo, o portavoz da oposición reclama ao Concello que se comprometa co barrio pontevedrés.
Pide que o goberno bipartito acepte a proposta presentada polo PP coa creación dunha partida orzamentaria dun millón de euros para humanizar as rúas de Monte Porreiro. Afirma que a situación que atravesa esta zona da cidade "non pode ser o prezo por non comungar con Lores. O alcalde debe entender que non pode impoñer proxectos carentes de sentido e debe tolerar que os veciños critiquen e non acepten o proxecto", explica Rafa Domínguez que acusa o alcalde de estar encerrado no seu despacho sen atender as demandas cidadás.
Neste mesmo sentido, o representante popular convida o resto do municipio a seguir a liña da veciñanza de Monte Porreiro para que reclamen "o que lles pertence". Asegura que o goberno municipal "prosegue na súa teimosía de non investir un euro en Monte Porreiro polo simple feito de que os seus veciños rexeitasen un proxecto do Concello sen sentido", para asegurar que "no canto de sentar cos veciños, Lores afoga ao barrio". Domínguez insiste en que o goberno local se reúna coa veciñanza para atender as súas demandas.
Relacionadas:
-
Guerra de datos entre o PSOE e o PP no Parlamento sobre a actividade e o persoal do centro de saúde de Monte Porreiro
Por Natalia Puga |
-
Lores cualifica de "esaxerada" e "tremendista" a visión do PP sobre o estado do Mercado de Abastos e Monte Porreiro
Por Anxo Lourido |
-
Rafa Domínguez solicitará un millón de euros para humanizar Monte Porreiro
Por Oskar Viéitez |