O Concello quere iniciar o proceso de funcionarización do persoal laboral municipal
Por Redacción
O Concello de Pontevedra convocou para este luns a Mesa Xeral de Negociación para iniciar os trámites para funcionarizar e estabilizar o persoal laboral municipal, en aplicación da Lei 20/2021 de medidas urxentes para redución da temporalidade no emprego público. Este será o único asunto da orde do día.
Dacordo coa documentación que se lle remitiu á parte sindical, no Concello de Pontevedra hai 17 postos de persoal laboral fixo e 21 de persoal indefinido.
O propósito deste proceso é dar estabilidade a este persoal que, en moitos casos, vén realizando as súas funcións dende hai anos. E será na reunión da Mesa Xeral de Negociación onde se fixen os criterios do proceso de funcionarización.
Con esta convocatoria o Concello recolle unha das reivindicacións máis demandadas polo cadro de persoal. De feito, foi solicitada polo Comité de Empresa o pasado 16 de marzo.
Precisamente por terse solicitado pola parte sindical, por tratarse dun asunto de grande impacto laboral e por ter acordo unánime das forzas sindicais con representación no Comité de empresa, o Concello agarda que mañá se celebre, finalmente, a Mesa Xeral de Negociación coa asistencia de todos os seus representantes.
Relacionadas:
-
Un novo plantón dos sindicatos impide iniciar o proceso de funcionarización do persoal laboral
Por Oskar Viéitez |
-
A falta de cuórum impide tratar a funcionarización do persoal laboral do Concello
Por Redacción |
-
Fouces acusa os portavoces sindicais de intentar "derrubar" o goberno para "poñer aos seus"
Por Alejandro Espiño |
-
Convocan unha reunión da Mesa Xeral de Negociación do Concello de Pontevedra
Por Oskar Viéitez |
-
Pitos á entrada da mesa de persoal do Concello, que se suspende por falta de quórum
Por María José Pita & Mónica Patxot |