Estudan as ferramentas que serán musealizadas no Estaleiro da Banda do Río
Por Redacción
O Estaleiro da Banda do Río atópase na segunda fase de rehabilitación desde este mes de marzo e o goberno local informa de que os traballos se desenvolven a bo ritmo. Este mércores, o concelleiro de Cultura, Xosé Leal; o concelleiro de Patrimonio, Alberto Moital; e o arquitecto técnico e director das obras, Alfredo de la Campa, visitaban a contorna.
Os traballos contan cun orzamento de máis de 102.000 euros, que se financian a través do Plan Concellos 2021 da Deputación de Pontevedra. A execución da obra corre a cargo da empresa Construcciones e Ingeniería Messi.
Esta actuación inclúe a urbanización exterior do popularmente coñecido como Estaleiro de Purro. Ademais, trasladáronse xa embarcacións, ferramentas, pezas e maquinaria ao Museo Massó. Un restaurador revisa a recuperación do foso da serra da cinta, un acordo establecido entre o Concello e a Asociación de Embarcacións Tradicionais Os Galos.
Tamén se están analizando os recursos deste espazo que pasarán a formar parte da exposición ao público e os contidos audiovisuais. Os traballos de musealización serán o complemento ás tarefas de rehabilitación que finalizaran en 2018.
O Concello de Bueu lembra o "alto valor patrimonial" desta instalación. Félix Juncal, alcalde do municipio, considera que a parte máis importante é a relacionada á interpretación dos contidos desta antiga carpintería de ribeira.
Segundo os prazos que manexa o goberno local, espérase que a intervención finalice antes do verán. Esta instalación, a última carpintería de ribeira en activo, supón un vínculo entre a poboación de Bueu e o seu pasado relacionado coas embarcacións mariñeiras.
Relacionadas:
-
Setembro inaugurará a nova vida do Estaleiro de Purro como museo mariñeiro
Por Redacción |
-
Vinte empresas interésanse polo proxecto de recuperación do Museo Massó de Bueu
Por Redacción |
-
O Pleno de Bueu aprobou o Plan Normativo para o ano 2022 que permitirá tramitar sete regulamentos
Por Redacción |
-
Comeza o proceso administrativo para acometer as obras de conservación do Museo Massó
Por Redacción |
-
A brigada de obras de Bueu está a traballar no parque da Chadiza, os areais e a contorna do lavadoiro da Portela
Por Redacción |
-
Félix Juncal sitúa en febreiro o comezo das obras da segunda fase do estaleiro da Banda do Río
Por Redacción |
-
Bueu abre o prazo de licitación para a musealización do estaleiro da Banda do Río
Por Redacción |