Cárcere para dúas persoas que roubaron sete 'iPhones' no Hiper Froiz
Por Redacción
Cinco anos de cárcere para un e tres anos e medio para outro. É a condena que impuxo a Audiencia de Pontevedra ás dúas persoas que, en setembro de 2020, roubaron sete teléfonos móbiles da marca iPhone no Hiper Froiz de Cobián Roffignac, en Pontevedra.
Ambos son "sen xénero de dúbidas", segundo o tribunal, os autores deste roubo con forza.
As maxistradas da sección cuarta da Audiencia consideran acreditado que os dous homes acusados accederon ao local, que estaba aberto ao público, e dirixíronse a unha vitrina pechada con chave, en cuxo interior se atopaban os teléfonos móbiles.
Mentres un deles facía labores de vixilancia e colocábase de forma que o seu acompañante non puidese ser visto, segundo a sentenza, o outro condenado violentou a fechadura e apoderouse dos sete dispositivos móbiles.
A gravación das cámaras de seguridade, apunta o tribunal no seu fallo, demostran "perfectamente" quen son os autores do roubo.
Ademais, resaltan que a pesar de que un dos sospeitosos asegurou que ese día non estaba en Pontevedra non ofreceu unha "explicación convincente" que xustifique que se achase unha pegada dactilar súa na vitrina que forzaron para roubar os teléfonos.
A sentenza imposta viuse agravada polo feito de que ambos os acusados, que deberán indemnizar ao establecemento con 5.695 euros polo valor dos móbiles subtraídos e non recuperados e asumir o custo de reparación da vitrina, son reincidentes.