As festas de Loira xa teñen data para o seu regreso post covid-19: serán o 27 de agosto
Por Redacción
27 de agosto. Esa será a data na que se van celebrar as Festas de Loira 2022. A Comisión organizadora decidiu recuperar este evento despois de dous anos sen celebrarse a causa da pandemia da covid-19.
Ese 27 de agosto será o día dos famosos fogos de artificio que cada ano enchen de luz o ceo de Marín.
Este ano, para o regreso, está previsto que haxa animación musical, charangas, festa da espuma, toro mecánico e inchables.
A Comisión porá en marcha un proceso de recadación de fondos con publicidade, patrocinios do comercio local e venda de rifas e tamén están organizando unha pre festa para o 13 de agosto.
Ademais, o Concello de Marín colaborará cunha partida económica.