UGT pon en marcha un Centro de Asesoramento en Arousa para desempregados
Por Aitana Vidal & Anxo Lourido
UGT Pontevedra e Arousa inaugurou un novo centro de asesoramento para atender ás persoas desempregadas derivadas dende o Servizo Público de Emprego de Galicia como a calquera outra que o solicite.
Segundo o secretario comarcal de UGT, Ramón Vidal, a actual situación de crise e de destrución masiva de postos de traballo encontrar emprego non é unha tarefa sinxela debido a que as empresas soben o listón das esixencias cada día. Por ese motivo queren a través deste centro proporcionar aos demandantes información sobre a situación do mercado laboral, os novos depósitos de emprego, ocupacións máis demandadas, perfís profesionais e as necesidades e cambios no mercado laboral tendo en conta as características da comarca de Arousa.
O centro funciona a través de entrevistas individuais personalizadas para facilitar que os demandantes de emprego obteñan os seus obxectivos, trazando para cada usuario unhas liñas de actuación concretas que van dende a formación orientada a alcanzar o perfil profesional ata a planificación da busca activa para lograr a inserción no mercado laboral.
O centro atópase situado no número 22 da rúa Castelao en Vilagarcía de Arousa.