A vella Casa do Mar de Marín comeza a convertirse en centro de día
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Xunta de Galicia destaca o avance nas obras do novo centro de día de Marín, un novo servizo de atención ás persoas maiores que se emprazará no primeiro andar da Casa do Mar e nas que o Goberno galego inviste 200.000 euros.
O xerente do Consorcio Galego de Servizos de Igualdade e Benestar, Perfecto Rodríguez, visitou esta mañá os traballos que se están a acometer nestas instalacións acompañado da alcaldesa do municipio pontevedrés, María Ramallo.
Perfecto Rodríguez destacou a importancia deste novo equipamento, que “contribuirá a incrementar o benestar das veciñas e veciños de Marín” e que “será unha realidade grazas á colaboración entre a Administración autonómica e a local”, engadiu. Ao respecto, explicou que a actuación é froito dun convenio asinado hai dous anos entre a Consellería de Política Social e o Concello marinense para financiar a construción deste centro de día.
O novo equipamento, cuxa execución e posterior xestión correrá a cargo do Concello, contará cunha ampla sala de usos múltiples e outras dependencias, como un espazo de rehabilitación, outro para o lecer, cociña e lavandaría. O custe total do acondicionamento do inmoble ascende a 300.000 euros e o seu remate está previsto para este ano 2022.
O xerente do Consorcio fixo fincapé no compromiso do Executivo autonómico coas familias, os pequenos e as persoas maiores de Marín. O novo centro de día complementará a rede pública de servizos sociais que existen en Marín, que xa conta con tres escolas infantís, unha residencia para a terceira idade e un centro sociocomunitario.
Relacionadas:
-
Marín estrea o seu centro de día, do que xa gozan unha vintena de maiores
Por Redacción |
-
O novo centro de día para persoas maiores de Marín abrirá despois do verán e formará parte da rede pública autonómica
Por Oskar Viéitez |
-
"Os salarios de miseria e a sobrecarga de traballo" levan á folga ás traballadoras das residencias de maiores privadas
Por Oskar Viéitez |
-
Adxudicadas as obras para construír un centro de día na antiga Casa do Mar de Marín
Por Redacción |