O PP de Poio critica a subida da 'viñeta' para coches, motocicletas e furgonetas
Por Redacción
Creada e actualizada
Creada e actualizada
O portavoz do Partido Popular de Poio, Ángel Moldes, criticou este sábado a subida do imposto de circulación no municipio, a coñecida como 'viñeta'.
En concreto, segundo Moldes, os veciños do municipio pagarán en 2022 un 10% máis por este imposto relativo a coches, motocicletas e furgonetas.
"Mentres outros Concellos apostan por bonificacións reais e baixada de impostos, o tripartito que goberna Poio aposta por subidas xenéricas de impostos a toda a veciñanza como é o caso da viñetas", defende Moldes.
Ademais o representante do PP asegura que "todo aquel veciño que teña unha segunda vivenda ou unha vivenda deshabitada pagará un 25% máis de IBI", aínda que dende o Concello anunciaron que non se vai a aplicar ao estar pendentes da revisión do Estado sobre este tema.
Para os populares, argumenta, a mellor maneira de defender a autónomos, pemes, empresas e familias do municipio pasa por aliviar a presión fiscal e non contar "cos impostos máis altos de todo a nosa contorna".
Relacionadas:
-
A Xustiza dá a razón ao PP sobre unha subida ilegal do IBI que o Concello de Poio nunca chegou a aplicar
Por Redacción |
-
Mobilización de coches en Poio convocada polo PP contra a política de impostos do Concello
Por Redacción |
-
O goberno local de Poio sae ao paso "das mentiras do Partido Popular"
Por Oskar Viéitez |
-
O PP convoca unha manifestación con vehículos contra o goberno local de Poio
Por Oskar Viéitez |
-
Gregorio Agís nega que Poio suba os seus impostos e acusa o PP de "tratar de converter unha burda mentira nunha realidade"
Por Redacción |
-
Devolución das plusvalías, demanda do PP ao goberno local tras a sentenza do Tribunal Constitucional que as anula
Por Redacción |