O segundo curso para a "boa cidadanía canina" incluirá un grupo para cachorros
Por Redacción
Tras o éxito da primeira quenda, abre o prazo para participar no segundo dos cursos para a "boa cidadanía canina", que impulsa o departamento municipal de Benestar Animal en colaboración cos expertos do club canino Diverti Cans.
Nesta ocasión, o curso dará comezo o día 3 de febreiro e traducirase nunha sesión semanal durante tres meses, rematando cunha proba final para obter o carné de aptitude.
A principal novidade co primeiro dos cursos é que, nesta ocasión, haberá un grupo específico para a educación de cachorros de entre dous e oito meses.
As clases impartiranse nas instalacións que Diverti Cans ten en Lérez e tamén en diferentes contornas da cidade, como os antigos terreos de Tafisa, o barrio de Monte Porreiro, a Alameda, o parque de Amalia Álvarez, a Praza de Barcelos e Campolongo.
Os horarios serán os seguintes: de 19:45 a 20:30 horas, un grupo de 15 cachorros; ás 20:30 horas un grupo de 10 adultos e ás 21:30 horas outro grupo de 10 adultos.
Todos aqueles que desexen participar poderán anotarse de balde a través do enlace apuntate.pontevedra.gal, ou solicitar máis información no teléfono de contacto 627 937 281.
Entre os requisitos para poder participar inclúense os de estar censado en Pontevedra, ter a cartilla sanitaria ao día (vacinación e desparasitación), estar en posesión do microchip, non ser un can potencialmente perigoso e superar unha entrevista previa de valoración de conduta canina.
Os coñecementos e contidos que se impartirán dentro do programa académico deste curso son aceptar a unha persoa descoñecida, saudar sentado, aparencia e hixiene, camiñar xuntos, pasear entre persoas, sentar, parar e tombarse, responder á chamada, a relación con outros cans, as reaccións ante distraccións e a separación supervisada.
Relacionadas:
-
RADIO.- 'Podcans' fala da tiroides: esa pequena glándula fundamental orgánica e conductualmente
Por Redacción |
-
Cursos gratuítos para as persoas que adopten un can na protectora de Campañó
Por Redacción |
-
Benestar Animal convoca dous cursos pioneiros para a boa cidadanía canina
Por Mónica Patxot & María José Pita |