Un gardarraíl atravesa un coche nun accidente en Vilaboa
Por Redacción
Un condutor salva a súa vida despois de que un quitamedos atravesase o seu coche.
O accidente tivo lugar este venres, ao redor das 11.30 horas da mañá, na autoestrada AP-9 ao seu paso polo municipio de Vilaboa.
Segundo informou o CAE 112, o turismo circulaba en dirección a Vigo cando se saíu da calzada impactando contra o gardarraíl.
O condutor resultou ferido pero puido saír polo seu propio pé do vehículo sendo trasladado ao hospital nunha ambulancia do 061.
Foi un particular quen alertou ao 112 que avisou aos Bombeiros do Morrazo, a Garda Civil de Tráfico e o 061.