Feridos ao chocar co seu coche contra un petril da variante de Marín
Por Redacción
Dúas persoas resultaron feridas a primeira hora da mañá ao colisionar o vehículo no que circulaban contra un petril de formigón da nova variante de Marín.
Segundo informou o Centro de Atención de Emerxencias de Galicia-112, o sinistro produciuse ás 9.27 horas á altura do punto quilométrico 10 da variante.
O coche no que circulaban os dous feridos saíuse da vía e colisionar contra o petril. A consecuencia do impacto, ambos os dous sufriron lesións de carácter leve polas que tiveron que ser trasladadas en ambulancia ao Hospital Domínguez de Pontevedra.
Pouco despois, ás 9.40 horas da mañá, o 112 recibiu unha alerta por outro accidente similar. Un vehícuo que circulaba pola autoestrada AP-9 entre Pontevedra e Vigo desviouse da súa traxectoria e chocou coa mediana. Neste caso, non houbo feridos.