![](/web/cache/scene/uploads/fotos/foto/cde/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0knKLynJz1WyrgUA_/61851aa8c8-foto-grupo-2-nov-2021.jpg)
© Autoridad Portuaria de Marín
Persoal da Autoridade Portuaria fórmase na extinción de lume e no uso do desfibrilador
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Traballadores especializados da Fundación Pública Urxencias Sanitarias de Galicia-061 formaron durante os últimos días a persoal da Autoridade Portuaria de Marín para que coñezan o funcionamento dun desfibrilador semiautomático (DESA).
O Porto de Marín conta desde hai anos cun equipo desfribrilador destas características. A través do curso práctico, as persoas participantes adquiriron coñecementos básicos para recoñecer unha emerxencia e para poñer en marcha a cadea de supervivencia no caso de que se rexistre unha parada cardiorrespiratoria.
Tamén neste proceso de formación, persoal do organismo marinense participou nun curso para detectar e extinguir incendios, no que tamén se realizaron prácticas sobre o uso dos equipos de primeira intervención. A formación desenvolveuse nas instalacións de Seganosa, en Salvaterra do Miño.