Eliminan as acacias en Cabo Udra para reducir o risco de incendios
Por Redacción
As acacias, unha especie invasora e pirófita, ten os días contados no monte veciñal de Cabo Udra. A comunidade de montes de Beluso está decidida a acabar coa súa presenza.
Dezaoito voluntarios, chegados desde diversas localidades da provincia de Pontevedra, participaron nunha xornada para erradicar esta especie dos seus terreos.
Así, procedeuse a arrincar plantas e rizomas de acacia de pequenas dimensións así coma ao descortizado dos exemplares máis grandes.
Con estas accións, os comuneiros de Beluso buscan reducir o risco de incendios na zona.