Sanxenxo 'saca peito' do que foi o terceiro mellor verán da súa historia
Por Alejandro Espiño
Preto estivo Sanxenxo de pechar un verán récord. Polo menos, no que ocupación turística se refire. E é que, segundo destacou este venres o seu alcalde, Telmo Martín, o de 2021 foi o terceiro mellor verán da súa historia. Só lle superaron os de 2019 e 2016.
De todo o norte peninsular "somos os que menos baixamos en xullo", con algo máis de 175.000 pernoitas, só un 8% menos que en 2019. Sanxenxo situouse ademais moi por encima de Santiago e Vigo, as dúas cidades galegas con máis movemento turístico.
E en agosto as cousas foron mesmo moito mellor. A falta dos datos oficiais do Instituto Nacional de Estatística (INE), o sector apunta a unha ocupación media do 87%, apenas tres puntos menos que antes da pandemia. Nas vivendas turísticas houbo cheo absoluto.
"Sanxenxo soubo superar as dificultades da pandemia", sinalou Martín, que defendeu que a actividade turística "cando se fai con sentidiño" é completamente segura.
Ademais, o alcalde sinalou que as perspectivas para os meses de setembro e outubro son boas. "Hai moitas reservas", destacou, algo que corroboran os datos de emprego.
A taxa de paro en agosto caeu ata o 7,73% da súa poboación activa, con 610 desempregados, menos que no mesmo período de hai dous anos, o que demostra que o sector ampliou os contratos dos seus traballadores para os próximos meses.
O terceiro dato que acredita o bo verán que tivo Sanxenxo, segundo o seu rexedor, é o dos consumos dos seus habitantes, residentes e turistas.
O aparcadoiro do porto deportivo recadou algo máis de 277.000 euros no últimos tres meses, cifra moi próxima aos 296.000 euros de 2019 e que, asegurou Telmo Martín, superouse este ano se non se habilitaron os sete aparcamentos disuasorios.
Ademais, recolléronse 4.934.840 quilos de lixo -fronte aos 5 millóns de hai dous anos- e o consumo de auga bateu récords e situouse nos 900.364 metros cúbicos.
Relacionadas:
-
A recollida de envases lixeiros bate récord en Sanxenxo con 411 toneladas
Por Redacción |
-
Sanxenxo traballa na modernización do sistema de recollida de lixo e limpeza viaria
Por Redacción |
-
A ocupación hostaleira na provincia en agosto foi dun 83% igualando os datos de antes da pandemia
Por Oskar Viéitez |
-
Sanxenxo pecha agosto cunha ocupación do 87%, vinte puntos máis que no 2020
Por Redacción |