![](/web/cache/scene/uploads/fotos/foto/bef/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/60f05c6194-visita-arquivo-provincial-1.jpg)
© Concello de Pontevedra
Comezan as visitas da segunda edición da Semana do Patrimonio Invisible
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/660/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/60f05c88db-visita-arquivo-provincial-3.jpg)
© Concello de Pontevedra
![](/web/cache/scene/uploads/fotos/foto/2f3/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/60f05ca0ce-visita-arquivo-provincial-2.jpg)
© Concello de Pontevedra
Entre este xoves 15 e o sábado 17 de xullo, Pontevedra celebra a Semana do Patrimonio Invisible con cinco visitas guiadas diferentes por día.
Nesta primeira xornada, o Colexio Sagrado Corazón de Placeres, o Arquivo Histórico Provincial, o Depósito e cemiterio de San Amaro, os Xardíns de Lourizán e Villa Pilar foron percorridos por distintos grupos.
Os roteiros informativos, con asistencia de entre doce e quince persoas, precisaban dunha inscrición previa en www.patrimonioinvisible.gal. Todas eran de carácter gratuíto e abertas a calquera idade. As prazas esgotáronse en menos de tres horas trala súa saída.
O concelleiro de Urbanismo e Patrimonio Histórico, Xaquín Moreda, participou como visitante en dúas das visitas desta primeira xornada, acudindo ao Arquivo Histórico Provincial e a Villa Pilar.
"É habitual atopar lugares de verdadeiro interese, mesmo curiosos ou difícil de imaxinar, como a existencia dunha sala onde puideron ser practicados ritos masóns", en referencia a un dos espazos interiores do Arquivo e que orixinalmente era a Casa dos Fonseca.
Xaquín Moreda tamén fixo fincapé no positivo da experiencia a todos os niveis, quedando como proba que se esgotasen as prazas nun prazo mínimo de tempo.
"A xente sae moi contenta destas visitas, interactúa, fai preguntas e obtén un discurso rigoroso, obtendo datos históricos difíciles de atopar noutras circunstancias. Ademais, no caso do Arquivo, está o interese de coñecer tanto a compoñente histórica do edificio como do seu funcionamento actual", apuntaba o concelleiro.