O BNG presentará no pleno de Poio unha moción en contra do copagamento de medicamentos dos doentes crónicos
Por Redacción
Silvia Díaz Iglesias, portavoz do grupo municipal do BNG presentou este mércores 9 unha moción para "instar á Xunta de Galicia a que demande do goberno do Estado a derrogación da resolución que obriga ao copagamento das medicinas aos pacientes crónicos non hospitalizados, e a que non aplique no noso país esta regresiva medida".
A voceira nacionalista manifestou ademais que "estas persoas terían que pagar o 10% até os 4,20 euros de cada medicamento dos usados para enfermidades como cancro, tumores, leucemia, hepatite C, artrite reumatoide ou dexeneración muscular". Engadiu que "esta medida do PP resulta indigna, inhumana e inxusta, que retrata a un goberno que actúa contra a xente e favorece as grandes fortunas, á banca e ao poder económico".
A moción será debatida na Comisión de Facenda, Gobernación e Contas do próximo 21 de outubro e posteriormente no Pleno.