![](/web/cache/scene/uploads/fotos/foto/1ac/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/60dc5b14d0-junco-20210630transfomadorbarcelos-1-.jpg)
© Partido Popular de Pontevedra
O PP considera "inxustificable" o atraso no traslado do transformador situado no CEIP Barcelos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/453/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/60dc5ad6d8-junco-20210630transfomadorbarcelos-2-.jpg)
© Partido Popular de Pontevedra
Silvia Junco, concelleira do Partido Popular, demanda ao Concello de Pontevedra que execute a retirada do transformador que se atopa instalado no colexio de Barcelos. A responsable da área de Benestar Social dos populares lembra que hai un ano se solicitaba no Pleno a axilización dos trámites para retirar este equipamento eléctrico.
Junco afirma que o goberno local non atende unha petición que tamén manifesta a comunidade educativa. A representante do PP forma parte do Consello Escolar do CEIP Barcelos e afirma que o verán é a época perfecta para levar a cabo esta obra ao atoparse o centro educativo pechado permitindo as obras de traslado sen afectar o alumnado.
A concelleira mostra tamén a súa preocupación ao entender que o goberno local non concede "suficiente importancia a unha obra que se relaciona directamente coa seguridade e benestar do propio alumnado. É inxustificable o atraso que acumula este traslado".
Desde o PP entenden que debería tratarse dun asunto prioritario para o Concello e afirma que o concelleiro de Educación Tino Fernández manifestou o "total descoñecemento de en que punto se atopa o proceso". Junco lamenta a indiferenza do goberno pontevedrés ante un tema que prexudica ao alumnado do centro.