Un problema coa subministración de vacinas ocasiona longas colas no Recinto Feiral
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/a76/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/60d86f6d14-20210627-saiz-recinto-ferial-colas-vacunas-7-.jpg)
© Cristina Saiz
![](/web/cache/scene/uploads/fotos/foto/d32/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/60d86f6964-20210627-saiz-recinto-ferial-colas-vacunas-10-.jpg)
© Cristina Saiz
A vacinación contra a covid non se detén nin en domingo, con 3.661 persoas da área Sanitaria de Pontevedra e O Salnés citadas este 27 de xuño nos recintos habilitados para as vacinacións masivas, o Recinto Feiral de Pontevedra e Fexdega en Vilagarcía de Arousa.
Con todo a xornada contou cunha incidencia imprevista en Pontevedra que atrasou a administración de dose provocando longas colas.
Segundo explicouse in situ aos afectados todo debeuse a un problema coa subministración das vacinas, o que obrigou a esperar por un novo enviou de doses desde Santiago de Compostela. Isto ocasionou esperas que nalgúns casos superaron a hora.
En concreto no Recinto Feiral de Pontevedra estaban convocadas durante a mañá 1.493 persoas de entre 50 e 59 anos para recibir a segunda dose de Pfizer, mentres que en horario de tarde foron citadas outras 1.825 persoas menores de 60 anos neste caso para recibir unha segunda dose de AstraZeneca.
Pola súa banda en Vilagarcía estaban convocadas 343 persoas de entre 50 e 59 anos para completar a súa pauta de vacinación con Pfizer.
Vacinación no Recinto Feiral de Pontevedra o domingo 27 de xuño
Un problema coa subministración das doses provocou colas que chegaron a ser de ao redor dunha hora durante a mañá no recinto pontevedrés
© Cristina Saiz