Maica Larriba aborda coa xerente do SEA a situación dos parques empresariais da provincia
Por Manu Otero
A subdelegada do Goberno en Pontevedra, Maica Larriba, mantivo este luns un encontro institucional coa xerente da sociedade mercantil estatal Suelo Empresarial do Atlántico (SEA), Beatriz Sestayo.
Durante a reunión, as mandatarias analizaron a situación do parque empresarial de Vilanova de Arousa, un dos dous parques que esta entidade xestiona na actualidade na provincia de Pontevedra. Sestayo adiantou á subdelegada que o polígono de Vilanova triplicará a súa ocupación tras anos sen avances grazas aos acordos alcanzados con Sogama, que ocupará sete parcelas que suman preto de 20.000 metros cadrados. A empresa conserveira Vinova Group, vinculada a Conxelados Cíes, tamén se fixo con outras cinco parcelas que alcanzan os 19.229 metros cadrados. Outro dos parques que xestiona esta sociedade na provincia é o de Catoira.
A xerente de SEXA explicou á subdelegeada que na actualidade están a impulsar o dereito de superficie, un sistema próximo ao alugueiro con opción a compra pero con maiores vantaxes e que permite ás empresas comezar a súa instalación nun polígono sen ter que comprar as parcelas de forma inmediata.
Esta modalidade, exposta para favorecer o asentamento de empresas e facilitarlles o seu financiamento, é a que fomentou a ocupación no polígono de Vilanova de Arousa e espérase que continúe dando froitos nos restantes parques da comunidade.
Maica Larriba destacou o labor desenvolvido pola xerente nestes dous primeiros anos ao cargo da entidade e púxose a disposición da SEA “para propiciar novos avances que contribúan ao desenvolvemento económico da provincia”. Neste sentido, Larriba destacou que na actualidade esta sociedade está a realizar dous estudos de viabilidade económica e financeira tanto na Guarda como en Cuntis que permitirían ampliar o chan empresarial da provincia. "Estes dous concellos mostraron o seu interese nestes proxectos cuxa viabilidade está a ser estudada", explicou a socialista.
Relacionadas:
-
Conservera Gallega instalarase no polígono de Baión
Por Redacción |
-
Desbloquean o futuro polígono da Ran tras dar luz verde ao seu desenvolvemento
Por Redacción |
-
Tres empresas máis se instalarán no polígono de Baión
Por Oskar Viéitez |
-
Cume entre a ministra de Industria e o alcalde de Cuntis para o desenvolvemento do polígono da Ran
Por Redacción |
-
O grupo Vinova inicia a construción dun centro loxístico e de produción no polígono de Baión
Por Redacción |
-
Sogama materializa a adquisición de sete terreos do Polígono de Vilanova para a nova planta de compostaxe
Por Redacción |
-
Acordan ampliar os usos das parcelas do polígono industrial de Vilanova de Arousa
Por Redacción |