Arde un coche na Vía rápida do Salnés
Por Redacción
Un Renault Megane que circulaba pola Vía rápida do Salnés en dirección ó Grove rematou completamente calcinado a primeiras horas da tarde deste luns 29 de outubro. O condutor, natural do Grove, decidiu deterse á altura de Noalla (Sanxenxo) ao comprobar que o turismo desprendía fume pola zona do capó. Cando baixou para ver o que sucedía, o motor comezou a arder mentres o grovense alertaba ao servizo de emerxencias do 112.
Ata a zona desprazáronse membros de Protección civil de Sanxenxo que controlaron o lume de maneira inmediata pero sen evitar que o vehículo ardera por completo. Tamén desprazáronse ata o lugar unha dotación da Garda Civil de Tráfico e os bombeiros de Ribadumia que non chegaron a intervir.
Accidente múltiple cun ferido
Tamén en Sanxenxo pero na parroquia de Dorrón, tres vehículos impactaron a media tarde no quilómetro 14 da PO-307. Un dos ocupantes resultou ferido polo que foi necesaria a intervención dunha ambulancia.