![](/web/cache/scene/uploads/fotos/foto/2b4/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/606eef5aa9-20210408-patxot-pancarta-pueblo-gitano-1194.jpg)
© Mónica Patxot
A bandeira tricolor do pobo xitano xa ondea na Casa Consistorial
![](/web/cache/scene/uploads/fotos/foto/a5c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0knKLynJz1WyrgUA_/606eef3b50-20210408-patxot-pancarta-pueblo-gitano-1195.jpg)
© Mónica Patxot
![](/web/cache/scene/uploads/fotos/foto/11f/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/606ee02a46-cartel_8abril_aaff_gallego-copia.jpg)
© Fundación Secretariado Gitano
Este ano 2021 cúmprese o 50 aniversario do Primeiro Congreso Mundial Xitano que fixou para o 8 de abril a celebración do Día Internacional do Pobo Xitano. O Concello de Pontevedra homenaxea nesta data á comunidade xitana da cidade co despregamento da bandeira xitana na fachada da Casa Consistorial.
"Hace cincuenta años se hizo un congreso en Londres donde se instauró este día y se reconoció nuestra bandera, la bandera gitana, que es azul y verde, donde el azul significa el cielo, el verde el campo y la rueda de errante", explica Rebeca Flórez, en representación da Fundación Secretariado Gitano.
Esta simboloxía recolle a esencia dunha cultura nómade cuxa presenza en España está documentada dende hai preto de 600 anos, pero tamén rebela, na cor vermella da roda, un pasado tráxico e a miúdo esquecido na recente Historia do século XX. "Los gitanos siempre fueron perseguidos desde millones de años y en el Holocausto murieron muchos miles de gitanos. Sí se nombra a los judíos pero nunca al pueblo gitano", apunta Flórez, en referencia ao porqué da cor sangue da roda que ilustra a bandeira xitana.
Así mesmo, este recordo aos xitanos vítimas do nazismo recóllese no himno xitano 'Gelem, gelem' (en galego 'Andei, andei'), composto por Jarko Jovanovic e que tamén quedou instituído dun xeito oficial no Congreso de Londres de 1971.
Pola súa banda, o concelleiro de Benestar Social en Pontevedra, Marcos Rey, quixo reafirmar o compromiso do Concello capitalino coa comunidade xitana, á vez que valoraba o esforzo "dun pobo que malia ser historicamente marxinado agora está integrándose na sociedade, e co despregue da bandeira queremos recoñecer o Día Internacional do Pobo Xitano e dicir que estamos aquí para apoiar en todos os sentidos".
Neste acto, estiveron presentes varios membros da comunidade xitana que queren visibilizar este esforzo para atopar o seu lugar nun mercado laboral que non sempre é favorable. Para logralo, están a formarse dun xeito profesional. Así o reivindicaba Rebeca Flórez, dende o seu labor como mediadora intercultural da Fundación Secretariado Gitano: "Vengo con participantes que han hecho varios programas como Acceder que ahora trabajan, por ejemplo, de dependientas; tenemos aquí a Lucía que ahora está haciendo Bachiller y a Ismael y Samuel que están haciendo con nosotros formación para poder adquirir un trabajo. Están en diferentes programas para integrarse pero ahora lo que necesitamos es una oportunidad".
Neste 2021 o Día Internacional do Pobo Xitano está adicado ás persoas anciás a través do lema "A nosa esencia. Este ano, máis ca nunca, polos nosos maiores", por seren as máis afectadas pola pandemia e en recoñecemento ao papel fundamental que ocupan na comunidade xitana.