Tráfico controlará os desprazamentos con motos camufladas e axentes de paisano
Por Redacción
O Subsector de Tráfico de Pontevedra anuncia que esta fin de semana continuará co dispositivo de vixilancia para controlar os desprazamentos en motocicleta. Estes operativos repetiranse cando a climatoloxía o permita ou favoreza os de desprazamentos neste tipo de vehículos.
Durante a pasada fin de semana, a Garda Civil de Tráfico de Pontevedra estableceu dispositivos orientados a controlar os desprazamentos efectuados por motocicletas, nas estradas máis frecuentadas por este tipo de vehículos, ao obxecto de poder detectar aquelas condutas máis imprudentes e poder reducir a accidentalidade.
Neste operativo con motocicletas camufladas e axentes de paisano que utilizan chalecos reflectores oficiais detectáronse un total de 23 condutores por excesos de velocidade, 1 por alcoholemia positiva e 1 por drogas (pendente confirmación por laboratorio).
En canto á accidentalidade rexistráronse un total de 4 accidentes con resultado de feridos leves.