Rouban tarxetas de crédito en Vilaboa para gastar 3.000 euros en compras pola Internet
Por Redacción
Polo menos catro traballadores dunha empresa de Vilaboa foron vítimas dunha estafa que se remonta ao pasado mes de decembro. Os presuntos autores, que xa están a ser investigados pola Garda Civil, son un empregado do servizo de limpeza e a súa parella.
Os dous sospeitosos, que residen en Redondela, roubaron as tarxetas de crédito das vítimas e gastaron uns 3.000 euros en compras a través de Internet.
A investigación da Garda Civil comezou o pasado mes de decembro despois dun home denunciase en Moaña varios cargos na súa tarxeta de crédito por compras a través de Internet que non realizara.
As sospeitas dos investigadores dirixíronse á contorna laboral da vítima tras coñecer que o mesmo pasáralles a outros cinco empregados da sua mesma empresa, situada en Vilaboa.
Os axentes descubriron que un traballador do servizo de limpeza da empresa accedera aos vestiarios e subtraeura, polo menos, as tarxetas de crédito de catro empregados coas que fixo varias compras por Internet.
O home realizaba as compras a través do teléfono ou móbil da súa parella sentimental e enviábanas ao domicilio de ambos en Redondela, pero a nome doutra persoa para encubrir as súas identidades.
Ambos están investigados polos delitos de estafa por uso fraudulento de varias tarxetas bancarias, furto e usurpación de identidade.