VÍDEO.- Un coche, calcinado nun incendio na contorna da ponte dos Tirantes
Por Diego Espiño
Os Bombeiros de Pontevedra tiveron que intervir a última hora deste sábado 2 de xaneiro para sufocar o incendio declarado nun coche.
En concreto o vehículo atopábase na Avenida de Bos Aires, na contorna da ponte dos Tirantes.
Tras recibir o aviso, pasadas as 20.00 horas da tarde, os Bombeiros desprazáronse ao lugar do mesmo xeito que outros profesionais de corpos policiais, aínda que o lume atopábase xa moi estendido.
A escena, de gran impacto visual, sorprendeu ás persoas que a esa hora paseaban pola zona, que capturaron a situación cos seus teléfonos móbiles.
A forza do lume terminou calcinando o coche, aínda que afortunadamente os danos limitáronse só ao material, sen ter que lamentar ningún ferido.