Pontevedra rexistrou en 2020 unha media de seis incendios urbanos cada mes
Por Alejandro Espiño
Ata 69 incendios urbanos atenderon os Bombeiros de Pontevedra durante o pasado ano 2020. É a menor cifra de sinistros destas características na última década. Este é un dos principais datos que revela a memoria anual deste servizo.
Unha de cada cinco intervencións realizadas (houbo un total de 347) foron precisamente para atender a estes incendios, entre os que se inclúen lume en vivendas particulares, papeleiras e contedores de lixo (dez) ou zonas verdes da cidade.
Estes 69 incendios urbanos son once menos dos rexistrados en 2019 e é a menor cifra desde os 75 que houbo xusto dez anos antes, en 2009.
Os meses máis atarefados neste sentido son os do verán. Xuño, xullo, agosto e setembro acumulan 36 destas intervencións, máis da metade. Novembro foi o único sen incendios.
Entre as 347 actuacións dos Bombeiros de Pontevedra tamén se inclúen dous incendios forestais (foron oito en 2019), ambos en xuño, ou 28 accidentes de tráfico (sete menos que o ano anterior). En vinte deles tiveron que para apagar un vehículo en chamas.
A pesar destes sinistros, foi a retirada de niños de velutina o que máis ocupou aos efectivos do parque pontevedrés durante o pasado ano. Foron 119 (23 máis que en 2019) aínda que lonxe do record que supuxo o ano 2017, con 222.
Tamén aumentaron o traballo dos bombeiros para abrir portas de vivendas ou ascensores, entre outros, ao ter que intervir en 44 ocasións. É case o dobre que en 2019 e a cifra máis elevada da década, segundo reflicte a memoria do servizo.
En 17 ocasións tiveron que saír do parque de Domingo Fontán para retirar árbores da vía pública (cinco menos que o ano pasado) e outras 21 veces (doce menos) fixérono para retirar ou asegurar pancartas, cascotes, elementos de tellados ou cristais.
Houbo ademais doce fugas ou intoxicacións de gas, a metade que nos doce meses anteriores, nove rescates de persoas -sen contar os accidentes de tráfico- (houbo oito en 2019) e seis rescates de animais, fronte os tres do ano pasado.
Dous servizos preventivos -cabalgata de Reis e Ravachol-, dous achiques por fugas de auga (foron once en 2019) e sete visitas escolares ao parque completan a lista de intervencións dos Bombeiros de Pontevedra ao longo de 2020. En oito ocasiones foron falsas alarmas.
DEZ PERSOAS FALECIDAS
En todas estas intervencións, os Bombeiros atopáronse con dez persoas falecidas, sete delas tras acceder a unha vivenda que estaba pechada. Outras dúas foron ante o aviso para o rescate de persoas e a décima nun accidente de tráfico. Este foi en Soutomaior.
Este accidente no municipio veciño foi unha das sete veces que os Bombeiros de Pontevedra participaron en sinistros noutros concellos. Segundo consta nas súas estatísticas, foron a Poio en catro ocasiones. A Marín e Vilaboa tamén acudiron unha vez.
Relacionadas:
-
Os bombeiros alertan da situación "crítica" do parque de Pontevedra por falta de persoal
Por Redacción |
-
Medio millón de euros e catro meses de obras para reformar o parque de Bombeiros
Por Redacción |
-
Alertan do mal uso de aparellos calefactores tras dous mortos en incendios
Por Redacción |
-
Acoden a un piso por un incendio e atopan unha muller incumprindo unha orde de afastamento da súa nai
Por Redacción | Creada e actualizada
-
VÍDEO.- Un coche, calcinado nun incendio na contorna da ponte dos Tirantes
Por Diego Espiño |
-
Reordenan o parque de bombeiros para ampliar as zonas comúns ante a covid-19
Por Alejandro Espiño |
-
Susto nun edificio da rúa Echegaray tras iniciarse un incendio na cociña dunha vivenda
Por María José Pita |