![](/web/cache/scene/uploads/fotos/foto/7f1/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/5fec6710b0-img_20201230_112802_resized_20201230_123333274.jpg)
© PontevedraViva
Froiz e Viaqua seguirán apoiando a cultura de Pontevedra a pesar da extinción do Pazo da Cultura
![Manu](/web/cache/scene/uploads/xornalistas/foto/c92/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/613a3b2f4f-20210902-patxot-radio-programa-deportes-1889.jpg)
Por Manu Otero
O alcalde de Pontevedra, Miguel Anxo Fernández Lores, e a concelleira de Cultura, Carmen Fouces, recibiron este mércores no despacho da alcaldía aos representantes das empresas Viaqua e Froiz, que exerceron de mecenas durante os últimos anos do xa extinto organismo autónomo Pazo de Congresos de Pontevedra.
"No orzamento do Pazo había unha dotación importante de Froiz e Viaqua polo que queriamos agradecerlle publicamente a súa colaboración durante todos estes anos", declarou o rexedor pontevedrés.
O apoio destes patrocinadores ao motor cultural da cidade seguirá activo, pero deixará de ter unha achega fixa anual para pasar a ser por "proxectos ou programas", puntualizou o mandatario nacionalista.
"Seguiremos apostando pola cultura e a disposición da cidade", aseguraron ambos os executivos de dúas empresas que achegaban anualmente cada unha 6.000 euros.