Un cento de comercios de Pontevedra compiten nun certame de escaparatismo
Por Redacción
Un total de 96 comercios de Pontevedra participan no concurso de escaparates de Nadal impulsado pola concellería de Promoción Económica a través da plataforma #PonteLovers.
Os establecementos rexistrados locen un adhesivo cun código QR nos seus escaparates, que os peóns poderán escanear para votar polo seu escaparate favorito.
"O único que hai que facer para darlle o noso respaldo ao escaparate que máis nos guste é premer no botón de votar, visualizar as fotografías dos participantes e emitir o noso veredicto. Os tres máis votados serán os gañadores dun primeiro premio de 1.500 euros, un segundo de 1.000 e un terceiro de 500. O día 29 de decembro darase a coñecer o resultado", explica a concelleira Yoya Blanco.
O certame inclúe tamén premios para os cidadáns a través dun sorteo de 20 cheques regalo por valor de 25 euros cada un que poderán trocarse por produtos e servizos en calquera dos negocios rexistrados.
Desde o departamento de Promoción Económica lembran que esta iniciativa ten como obxectivo poñer en valor os establecementos comerciais de Pontevedra. Co lema "é o momento de amosar a túa mellor cara", convidan a sacar o lado máis positivo do comercio local empregando os seus escaparates como reclamo para atraer clientes. O número de votos emitidos supera xa os 7.500.
Relacionadas:
-
Promoción Económica organiza numerosas actividades en toda a cidade ao redor dun concurso de escaparatismo
Por Oskar Viéitez & Mónica Patxot |
-
10.000 bolsas de papel e 300 adhesivos de sinalización para os #PonteLovers
Por Redacción |
-
A gañadora da cesta de Nadal de 'E-Ponte.com' xa desfruta dos seus agasallos
Por Redacción |
-
A tenda Nalatcha gaña o concurso de escaparates de Nadal de Pontevedra
Por Redacción |
-
Decorar os escaparates de Nadal ten premio en Pontevedra
Por Alejandro Espiño & Mónica Patxot |
-
Decorados de fantasía en prazas e parques para promover o movemento económico nestas festas
Por Redacción |
-
Entregan os premios de escaparatismo do proxecto Nova Terra
Por Redacción |