Volta ao cole en Ponte Caldelas con prazas libres no centro Galiña Azul
Por Redacción
Un total de 389 alumnos de infantil e primaria incian este xoves o curso escolar nos centros educactivos de Ponte Caldelas, un censo estudantil que aumenta lixeiramente en relación ao curso pasado.
Nas instalacións do CEIP Cordo Boullosa e do CEIP da Reigosa realizáronse traballos de mantemento e melloras durante o período estival coa intención de que todo estivese en perfectas condicións para a volta ás aulas.
Ademais dos alumnos destes centros, o pasado 5 de setembro 31 nenos de entre 0 e 3 anos estrearon o curso na escola infantil Galiña Azul do municipio.
Esta cifra supón que aínda quedan nove prazas vacantes no centro, principalmente no tramo de idade comprendido entre 0 e 1 ano, no que hai cabida aínda para seis novos nenos.