Dispositivo especial de control do uso do cinto e dos sistemas de retención infantil
Por Oskar Viéitez
A Dirección Xeral de Tráfico iniciará este luns unha campaña especial de control do uso do cinto e dos sistemas de retención infantil, que se prolongará ata o 15 de setembro.
Durante unha semana, os axentes da Agrupación de Tráfico da Garda Civil incrementarán os controis comprobando que tanto condutor como ocupantes dos vehículos fan uso do cinto de seguridade. Así mesmo, os axentes comprobarán que os menores viaxan cos correspondentes sistemas de retención infantil axeitados ao seu peso, idade e estatura. Tamén se invitou aos concellos a sumarse a esta campaña, dada a relevancia de que os condutores adquiran o hábito de uso dos cintos no ámbito urbano.
Sanciónase con multa de 200 euros e perda de 3 puntos
A campaña consistirá nun importante incremento dos controis coa utilización do máximo número de medios humanos e materiais dispoñibles, cos que os Xefes Provinciais de Tráfico e os Xefes de Subsectores de Tráfico da Garda Civil confeccionaron conxuntamente a programación correspondente.
Sempre que sexa posible, tanto os paneis de sinalización variable coma as pantallas alfanuméricas dos vehículos da Agrupación de Tráfico da Garda Civil que se encontren nas inmediacións, advertirán aos condutores da existencia próxima de controis.
O incumprimento desta norma está tipificado como infracción grave, e sanciónase con multa de 200 euros e perda de 3 puntos no caso dos condutores.