Corte de tráfico en Conde Bugallal para o seu reasfaltado
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/522c456c71108-condebugallal.jpg)
© Concello de Pontevedra
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/522c458f04cec-conde2.jpg)
CC BY-NC-SA PontevedraViva
O Concello de Pontevedra continúa o luns coa "Operación asfalto" que dirixe o concelleiro delegado da área urbana, Luís Bará, coa mellora do firme da rúa Conde Bugallal. As obras comezarán ás 08.30 horas e rematará na xornada do martes, cando a rúa volverá á normalidade de tráfico.
Segundo o plan elaborado pola Policía Local pecharase un carril en Conde Bugallal sentido xulgados glorieta do Marco. Para realizar estes traballos, é preciso restrinxir o estacionamento en varios puntos da rúa, que xa están sinalizados.
A "Operación asfalto" son traballos de conservación e mantemento de distintas rúas do centro urbano para reparar pavimentos en mal estado, que se van deteriorando co paso do tempo, e especialmente, coas copiosas chuvias do pasado inverno. Dentro desta operación xa se realizou o asfaltado de Eduardo Pondal, a glorieta de Alexandre Bóveda ou a avenida de Bos Aires, diante do pavillón universitario.
Esta semana está previsto o asfaltado de Conde Bugallal e Germán Adrio. Houbo que retrasar a intervención na avenida de Bos Aires, subida cara Monte Porreiro, polas obras na avenida de Compostela.
A primeira fase vaise desenvolver entre os meses de setembro e outubro, cando está previsto arranxar dez das trinta rúas incluídas no plan.
Tamén está en carteira reparar diversos treitos de Loureiro Crespo, A Santiña, Enrique Marescot e Prudencio Landín. O investimento previsto nesta primeira fase é de 500.000 euros.