Así foi o primeiro día de peche de bares e restaurantes
![Cristina](/web/cache/scene/uploads/xornalistas/foto/cee/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/552b997089-fotoperfilcrissaiz.jpg)
Por Cristina Saiz
Este sábado foi o primeiro dos 30 días de peche forzoso de bares e restaurantes en sesenta concellos galegos.
En Pontevedra foi unha xornada de contrastes con moita actividade nas rúas pola mañá, con supermercados e tendas cheas, e unha tarde de paseos, compras pero sen cervexas nin terraceo.
A choiva contribuíu a adiantar o toque de queda e pronto quedaron baleiros e en silencio os espazos públicos da cidade, especialmente no centro histórico.
Apreciouse un constante ir e vir das motos de repartición de pedidos, fundamentalmente de pizzas.
Poucos bares permaneceron abertos para atender os servizos a domicilio e despachar consumicións para levar. As panaderías con servizo de cafetería teñen máis experiencia na venda de cafés para consumir fóra do local e mesmo viron como onte crecía a demanda.
O resto improvisaron mostradores á porta do establecemento pero xa admiten que desistirán no seu empeño despois desta primeira xornada na que o traballo non alcanzou para cubrir gastos.
Bares e restaurantes pechan no primeiro día das novas restricións
En Pontevedra foi unha xornada de contrastes con moita actividade nas rúas pola mañá, con supermercados e tendas cheas, e unha tarde de paseos, compras pero sen cervexas nin terraceo
© Cristina Saiz